25 may 2012 11:56
Yığmamızın Andorra ilə oyunu almaniyalı hakimlərə tapşırıldı
Məlum olduğu kimi, mayın 30-da futbol üzrə Azərbaycan və Andorra milli komandaları arasında yoldaşlıq oyunu keçiriləcək. Azerisport.az xəbər verir ki, artıq sözügedən oyunu idarə edəcək hakimlər də müəyyənləşib.
Belə ki, qarşılaşmada ədaləti almaniyalı hakimlər qorumağa çalışacaqlar. Baş hakim Mixael Veynerdi. Ona həmyerliləri Holger Hensxel, Kristoph Bornhorst kömək edəcək. Dördüncü hakim isə Lüksemburqdan olan Loren Koprivadı.
Qeyd edək ki, Azərbaycan və Andorra milliləri arasındakı oyun Bakı vaxtı ilə saat 20:00-da Almaniyanın Frankfurt şəhərindəki “Viktoria Kelsterbach” stadionunda baş tutacaq.
