27 may 2012 00:46
Qəbələ futbol ictimaiyyətindən üzr istədi
U-15 liqasının “Bakı” və “Qəbələ” komandaları arasında baş tutan oyunundan sonra xoşagəlməz olaylar yaşanıb. Azerisport.az xəbər verir ki, qarşılaşmadan sonra baş verənlərlə bağlı bölgə klubu artıq bəyanat da yayıb.
“Qəbələ” rəhbəriyi baş verənlərə görə üzr istəyib. Bəyanatı olduğu kimi təqdim edirik:
“Qəbələ” Futbol Klubu “Bakı” ilə “Qəbələ” arasında keçirilən U-15 liqasının yarımfinal mərhələsinin cavab oyunundan sonra baş verən hadisələrdən təəssüfləndiyini bəyan edir. “Qəbələ” Futbol Klubu olaraq baş verən hadisələrə görə, oyunun hakimlərindən, rəqibdən və bütün futbol ictimaiyyətindən üzr istəyir, hadislərdə iştirak edən klub əməkdaşlarının ən yaxın vaxtda cəzalanacağını bəyan edirik. Çıxarılacaq qərarlarla ictimaiyyət tanış ediləcək”.
