Super Liqaya sonuncu vəsiqənin sahibi müəyyənləşdi

Futbol üzrə Türkiyə Super Liqasına sonuncu vəsiqənin sahibi müəyyənləşib. Azerisport.az xəbər verir ki, ötən gün pley-off mərhələsinin final oyunu keçirilib və gələn mövsüm elitada çıxış edəcək klubun adına aydınlıq gəlib.

 

Final oyununda “Adanaspor”la “Kasımpaşa” qarşılaşıb. Qarşalaşmanın əsas vaxtı 2:2 hesabı ilə başa çatıb. Əlavə vaxtda – 116-cı dəqiqədə daha bir qol vuran “Kasımpaşa” 3:2 hesablı qələbə ilə Super Liqaya çıxmaq hüququ əldə edib. “Adanaspor” matçın 22-ci dəqiqəsindən azlıqda qalıb. “Kasımpaşa” isə 101-ci dəqiqədə bir futbolçusunu itirib.

 

Qeyd edək ki, Bank Asiya liqasında ilk iki pilləni tutatn “Elazığspor” və “Akhisar Belediyespor” Super Liqaya birbaşa vəsiqə qazanmışdı. Onlar gələn mövsüm elitada “Samsunspor”, “Manisaspor” və “Ankaragücü”nü əvəzləyəcəklər.