28 may 2012 14:53
İtaliya futbolu şokda!
İtaliya futbolunda aləm yenə bir-birinə dəyib. Azerisport.az xəbər verir ki, bir neçə il əvvəl adı oyun alqı-satqısına qarışan və aşağı liqaya göndərilən “Juventus” daha bir oxşar olayla üz-üzə qalıb.
Belə ki, oyun alqı-satqısı ilə bağlı aparılan istinqatla bağlı polis “Juventus”un baş məşqçisi Antonio Kontenin evində axtarış aparılıb. Lakin o, buna Turin təmsilçisində yox, vaxtilə çalışdırdığı “Siena”, “Atalanta” və “Bari”dəki əməllərinə görə məruz qalıb.
Qeyd edək ki, Kremona prokurorluğunun başladığı istintaq çərçivəsində “Lazio”nun oyunçusu Stefan Mauri və “Genoa”nın sabiq üzvü Omar Milanetto də daxil olmaqla 19 nəfər həbs olunub. Konte başda olmaqla, bütün saxlanılanlar oyun alqı-satqısında günahlandırılır. Son məlumatlara görə, bütün həbs olunanlar bir dəstənin üzvləridi və əlaqəli şəkildə bu işləri həyata keçirirmişlər.
Bu azmış kimi, hazırda AÇ-2102-yə hazırlaşan İtaliya millisinin üzvü Domeniko Krişitonun da başı dərddədi. İstintaqa cəlb edilən Rusiyanın "Zenit" klubunun müdafiəçisinin adı danışılmış oyunlarda halandığı üçün onun qitə çempionatına aparılacaq heyətdən çıxarılması gözlənilir.
Polisin qısa zamanda bununla bağlı rəsmi açıqlama yayacağı gözlənilir. Yeni həbslərin olması da istisna olunmur.
