28 may 2012 16:01
Türkiyə yığmasında qalmaqal
Avstriyada təlim-məşq toplanışında olan futbol üzrə Türkiyə millisinin düşərgəsində xoşagəlməz hadisə baş verib. Azerisport.az xəbər verir ki, Finlandiya ilə görüşdən sonra istirahət edən futbolçular dünən şəhər gəzintisinə çıxarkən qapıçı Volkan Dəmirəllə türkiyəli fotoreportyorlardan biri arasında qalmaqal yaşanıb.
Buna Volkanın şəklini çəkməyə izacə verməməsi səbəb olub. Amma fotoqraf öz işini görmək istədiyini deyib. Bu zaman Volkan, eləcə də komanda yoldaşı Caner Erkin peşə fəaliyyətini yerinə yetirən fotoqrafın üzərinə hücuma cəhd edib. Lakin komanda yoldaşları insidentin qarşısına alıblar.
Hadisəyə münasibət bildirən V.Dəmirəl fotoqrafa əvvəlcədən onların şəklini çəkməyə icazə vermədiklərini bildirib. Lakin fotoqrafın inadından əl çəkmədiyini deyən Volkan bunu özünə qarşı hörmətsizlik kimi dəyərləndirib. Türkiyə mətbuatı isə sözügedən futbolçuların hərəkətini kəskin pisləməkdədi.
