28 may 2012 17:48
Əfran İsmayılov: Millimiz Andorranı yenə bilməsə, bizi başa düşməzlər
Futbol üzrə Azərbaycan yığmasının və “Qarabağ”ın yarımmüdafiəçisi Əfran İsmayılov azerisport.az saytına müsahibəsində millimizin yoldaşlıq oyunlarından, eləcə də zədəsindən danışıb.
- Müalicəniz necə gedir?
- Türkiyədən bu yaxınlarda qayıtmışam. Hər şey əla keçdi. Hələlik fərdi şəkildə hazırlaşıram. Amma “Qarabağ” yenidən bir araya gələnə qədər mən tam qaydasında olacam.
- Yaponiya – Azərbaycan matçını izləyə bildiniz?
- Fikrimcə, uşaqlar özlərini heç də pis tərəfdən göstərmədi. Əlbəttə, heç-heçəyə nail olsaydıq, daha yaxşı olardı. Amma təəssüf ki, məğlub olduq. Amma unutmaq olmaz ki, rəqib çox güclü idi. Onların heyətindəki əksər futbolçular Avropanın aparıcı çempionatlarında çıxış edirlər. Lakin düşünürəm ki, yığmamız daha yaxşı oyun sərgiləyə bilərdi. Qarşıda Andorra ilə oyun var. Bu görüşdə mütləq qələbə qazanmaq lazımdı.
- Fikrimcə, uşaqlar özlərini heç də pis tərəfdən göstərmədi. Əlbəttə, heç-heçəyə nail olsaydıq, daha yaxşı olardı. Amma təəssüf ki, məğlub olduq. Amma unutmaq olmaz ki, rəqib çox güclü idi. Onların heyətindəki əksər futbolçular Avropanın aparıcı çempionatlarında çıxış edirlər. Lakin düşünürəm ki, yığmamız daha yaxşı oyun sərgiləyə bilərdi. Qarşıda Andorra ilə oyun var. Bu görüşdə mütləq qələbə qazanmaq lazımdı.
- Baş məşqçi Berti Foqtsun yaponlara qarşı az qala yeddi nominal müdafiəçi çıxarması qəribə seçim deyildi ki?
- Bu artıq baş məşqçiyə ünvanlanası sualdı. Kimi hara qoymaq lazım olduğuna o qərar verir. Bəli, meydanda az müdafiəçi yox idi. Amma yəqin ki, onun öz səbəbləri var idi. Həm də futbolçularımızda mövsümün sonu olduğuna görə yorğunluq var idi.
- Bu artıq baş məşqçiyə ünvanlanası sualdı. Kimi hara qoymaq lazım olduğuna o qərar verir. Bəli, meydanda az müdafiəçi yox idi. Amma yəqin ki, onun öz səbəbləri var idi. Həm də futbolçularımızda mövsümün sonu olduğuna görə yorğunluq var idi.
- Məgər Yaponiya yığmasının üzvlərində də eyni situasiya deyildi ki?
- Burda ustalıq səviyyəsi də öz sözünü deyir. Rəqib futbolçularda bu, daha yüksəkdi. Onlar artıq il ərzində daha çox oyun keçirməyə alışıblar. Oyun təcrübəsi, qabaqcıl çempionatlarda çıxış etmək və sair amillər təsirini göstərməyə bilməzdi. Elə həmin Kaqava hazırda nəinki Yaponiyada, bütün dünyada özündən söz etdirməkdədi.
- Burda ustalıq səviyyəsi də öz sözünü deyir. Rəqib futbolçularda bu, daha yüksəkdi. Onlar artıq il ərzində daha çox oyun keçirməyə alışıblar. Oyun təcrübəsi, qabaqcıl çempionatlarda çıxış etmək və sair amillər təsirini göstərməyə bilməzdi. Elə həmin Kaqava hazırda nəinki Yaponiyada, bütün dünyada özündən söz etdirməkdədi.
- Andorra ilə oyundan nə gözləyirsiz?
- Fikrimcə, Andorranı məğlub edə bilməsək, bizi başa düşməzlər. Əlbəttə, futbolda hər şey mümkündü. Hətta FİFA reytinqində ən sonda gedən komandaya da məğlub olmaqdan sığortalanmaq mümkün deyil.
- Fikrimcə, Andorranı məğlub edə bilməsək, bizi başa düşməzlər. Əlbəttə, futbolda hər şey mümkündü. Hətta FİFA reytinqində ən sonda gedən komandaya da məğlub olmaqdan sığortalanmaq mümkün deyil.
- Bu zədəniz sizi yığmadan ayrı salsa da, istirahət üçün daha yaxşı imkan yaradıb...
- Yığmadan kənarda qalmaq heç də yaxşı deyil. Mən də indi milli komandanın sıralarında olmağı çox istərdim. Amma zədə amili öz sözünü deyir. Nə etmək olar?
