28 may 2012 00:15
Avroliqadakı klublarımızın menyusuna: potensial rəqiblər məlumdu
UEFA Çempionlar Liqasında Azərbaycan çempionu “Neftçi”nin ikinci təsnifat mərhələsindəki bütün potensial rəqiblərinin müəyyənləşdiyini xəbər vermişdik. Azerisport.az xəbər verir ki, artıq Avropa Liqasında da ilkin təsnifat mərhələsinin demək olar bütün iştirakçıları bəllidi.
Bu mənada yalnız San Marinonun bir təmsilçisinin kim olacağı qaranlıq qalır. Həmin yeganə klubun kimliyinə də yaxın günlərdə aydınlıq gələcək.
Məlum olduğu kimi, Azərbaycanı Avroliqanın qarşdıdan gələn mövsümündə ölkə kubokunun qalibi “Bakı”, Premyer Liqanın gümüş mükafatçısı “Xəzər Lənkəran”, eləcə də bürünc medalların sahibi “İnter” təmsil edəcək. İlkin təsnifat mərhələsinin demək olar ki, bütün iştirakçılarının siyahısı bəlli olduğundan, klublarımızın da potensial rəqibləri bilinir.
Qeyd edək ki, Avroliqanın birinci təsnifat mərhələsində 74 komanda mübarizə aparacaq. 74 cüt arasından çıxacaq 37 qalib ikinci təsnifat mərhələsinə vəsiqə qazanacaq. Hansı ki, növbəti mərhələdə onlara daha 43 komanda qoşulacaq və bu kollektivlər birgə üçüncü təsnifat mərhələsinə 40 vəsiqənin taleyinə aydınlıq gətirəcəklər.
Azərbaycan klubları ilkin təsnifat mərhələsində hamısı səpələnmişlər sırasında qərarlaşıb. Bu mənada xüsusilə “Xəzər Lənkəran”ın hansı səbətdə qərarlaşacağı sual altında idi. Lakin Avroliqaya vəsiqə qazanan digər klubların reytinq xallarının yerləşməsinə əsasən “Bakı” və “İnter”lə yanaşı “ağ-yaşıllar” da səpələnmişlər sırasına qərarlaşdı. Özü də cədvəldən də göründüyü kimi, cənub klubu bu səbətin son üzvüdü. Bu isə o deməkdi ki, “İnter” və “Bakı”yla bərabər, “Xəzər Lənkəran” da birinci təsnifat mərhələsində səpələnməmişlər səbətində yer alan nisbətən zəif komandalarla üz-üzə gələcək. Lakin ikinci təsnifat mərhələsinə vəsiqə qazanacaqları halda bütün təmsilçilərimiz səpələnməmişlər arasında yer alacaqlar və bir qədər güclü klublarla üz-üzə gəlmək məcburiyyətində qalacaqlar.
Yeganə istisna olaraq vurğulamaq yerinə düşər ki, Avroliqadakı təmsilçilərimizin mümkün rəqibləri arasında yer alan Ermənistan klublarıyla qarşılaşmağımız mümkün deyil. Çünki UEFA püşkatma zamanı bu kimi məqamları nəzərə alacaq.
Sonda onu da bildirək ki, Avroliqanın ilkin təsnifat mərhələsinin püşkatması iyunun 25-də keçiriləcək.
|
Səpələnmişlər
|
Səpələnməmişlər
|
|
Twente (Hollandiya)
|
MTK (Macarıstan)
|
|
Lech (Polşa)
|
Metallurg (Skopye, Makedoniya)
|
|
Rosenborg (Norveç)
|
Şiauliai (Litva)
|
|
Elfsborg (İsveç)
|
Zimbru (Moldova)
|
|
Kalmar (İsveç)
|
JJK (Finlandiya)
|
|
Aktobe (Qazaxıstan)
|
Flamurtari (Albaniya)
|
|
St. Patricks (İrlandiya)
|
Cliftonville (Şimali İrlandiya)
|
|
Stabek (Norveç)
|
Torpedo (Kutaisi, Gürcüstan)
|
|
Gomel (Belarus)
|
UE Santa Coloma (Andorra)
|
|
Metallurg (Rustavi, Gürcüstan)
|
Llanelli (Uels)
|
|
Sarajevo (Bosniya və Herseqovina)
|
Crusaders (Şimali İrlandiya)
|
|
Bohemians (İrlandiya)
|
Jeunesse (Lüksemburq)
|
|
Senica (Slovakiya)
|
Mura (Sloveniya)
|
|
Osijek (Xorvatiya)
|
Celje (Sloveniya)
|
|
Hafnarfyordur (İslandiya)
|
Daugava (Latviya)
|
|
Levadia (Estoniya)
|
Zeta (Monteneqro)
|
|
Pünik (Ermənistan)
|
İBV (İslandiya)
|
|
Dacia (Moldova)
|
Narva (Estoniya)
|
|
Bakı (Azərbaycan)
|
Hibernians (Malta)
|
|
Borac (Bosniya və Herseqovina)
|
Floriana (Malta)
|
|
Metallurg (Liepaya, Latviya)
|
Tor Akureyri (İslandiya)
|
|
Bangor City (Uels)
|
Ordabasi (Qazaxıstan)
|
|
Differdange (Lüksemburq)
|
Jetisu (Qazaxıstan)
|
|
Honved (Macarıstan)
|
Nomme (Estoniya)
|
|
Suduva (Litva)
|
NSİ Runavik (Farer adaları)
|
|
Jagodina (Serbiya)
|
Portadown (Şimali İrlandiya)
|
|
MYPA (Finlandiya)
|
Grevenmacher (Lüksemburq)
|
|
Tirana (Albaniya)
|
Gandzasar (Ermənistan)
|
|
Olimpija (Sloveniya)
|
Çelik (Monteneqro)
|
|
Renova (Makedoniya)
|
Eschen/Mauren (Lixtenşteyn)
|
|
İnter (Azərbaycan)
|
Teuta (Albaniya)
|
|
Rudar (Monteneqro)
|
Vikingur (Farer adaları)
|
|
KuPS (Finlandiya)
|
FC Santa Coloma (Andorra)
|
|
Shkendija (Makedoniya)
|
Cefn Druids (Uels)
|
|
Birkirkara (Malta)
|
Shirak (Ermənistan)
|
|
Streymur (Farer adaları)
|
La Fiorita (San Marino)
|
|
Xəzər Lənkəran (Azərbaycan)
|
- (San Marino)
|
