28 may 2012 13:14
Vüqar Əsgərovsuz Metallurg qələbə qazana bilmədi
Futbol üzrə Latviya çempionatında 12-ci turun oyunları keçirilib. Azerisport.az xəbər verir ki, futbol üzrə Azərbaycan millisinin hücumçusu Vüqar Əsgərovun şərəfini qoruduğu “Metallurg” da növbəti matçına çıxıb.
Həmyerlimizin komandası doğma meydanda “Ventspils”lə qarşılaşıb. Lieapaya təmsilçisi eyni xala (16) malik olduğu son ölkə çempionunu məğlub etməklə turnir vəziyyətini yaxşılaşdırmağı hədəfləmişdi. Lakin onlar bu vəzifənin öhdəsindən gələ bilməyiblər. Qarşılaşmada 90 dəqiqə ərzində qapılara qol vurulmayıb.
Vüqar Əsgərov məlum səbəblərdən bu görüşdə komandasına kömək edə bilməyib. Çünki o, hazırda Azərbaycan millisinin Almaniyada təlim-məşq toplanışında olan heyətində yer alır.
Bu nəticədən sonra “Metallurg” 17 xalla 10 komanda arasında 5-ci yerdə gedir. Lakin liyepayalıların ehtiyatda iki təxirə salınmış oyunları da var.
Latviya çempionatı
12-ci tur
27 may
Metallurg – Ventspils – 0:0
