29 may 2012 18:24
Sumqayıt növbəti transferini açıqladı (FOTO)
Aftandil Hacıyevin ardından “Sumqayıt” Futbol Klubu 1990-cı il təvəllüdlü Emin Cəfərquliyevi də heyətinə qatdığını rəsmən bəyan edib. Azerisport.az xəbər verir ki, son olaraq “Simurq”da çıxış etmiş (12 oyun) 22 yaşlı futbolçuyla 1+1 sistemi üzrə müqavilə imzalanıb.
“Doğma şəhərim olan “Sumqayıt”a qayıtdığım üçün xoşbəxtəm. Bu şəhərin komandası olan “Gənclərbirliyi”ndə məşq etsəm də, rəsmi oyunlara çıxmamışdım. Bu komanda ilə Premyer Liqada debüt etməyi səbirsizliklə gözləyirəm”, - deyə Emin Cəfərquliyev klubun rəsmi saytına açıqlama verib.
U-17, U-19, U-21 və 1 dəfə Azərbaycanın A milli komandasının (Bəhreynlə qarşılaşma) formasını geyinmiş Emin Cəfərquliyev “Neftçi”, “Karvan”, “Bakı” və MOİK-in şərəfini qoruyub.
Qeyd edək ki, Hacıyev və Cəfərquliyevlə yanaşı “Sumqayıt” “Kəpəz”dən Sabir Allahquliyevin də keçidini həll edib və tezliklə bu barədə də rəsmi açıqlama verilməsi gözlənilir.
