29 may 2012 11:41
Millimizin yarımmüdafiəçisi: Bu, mənim arzumdu
“Sumqayıt”ın yarımmüdafiəçisi Uğur Pamuk Almaniya mətbuatına müsahibəsində Azərbacan Premyer Liqasındakı çıxışından danışıb, eləcə də millimizə dəvətlə bağlı fikirlərini açıqlayıb. Azerisport.az xəbər verir ki, o, öncə bunları dilə gətirib:
“Mən öncədən Azərbaycan çempionatının səviyyəsini bir o qədər də yüksək qiymətləndirmirdim. Lakin orda çıxış etdikdən sonra fərqli mənzərənin şahidi oldum. Azərbaycan Premyer Liqasını Almaniyanın ikinci Bundesliqasının aşağı hissəsi ilə müqayisə edərdim. Çünki burda daha aqressiv mübarizə gedir, nəinki Almaniyada”.
“Mən öncədən Azərbaycan çempionatının səviyyəsini bir o qədər də yüksək qiymətləndirmirdim. Lakin orda çıxış etdikdən sonra fərqli mənzərənin şahidi oldum. Azərbaycan Premyer Liqasını Almaniyanın ikinci Bundesliqasının aşağı hissəsi ilə müqayisə edərdim. Çünki burda daha aqressiv mübarizə gedir, nəinki Almaniyada”.
Pamukun sözlərinə görə, onun ölkəmizdə uyğunlaşmasına elə də çox vaxt getməyib: “Adaptasiya elə də çox vaxtımı almadı. Burda hər şey çox peşəkar və intizamlı səviyyədə qurulub. Həm də “Sumqayıt”ın baş məşqçisi Bernard Raabdı. O, komandanın yarandığı gündən baş məşqçi postunda çalışır”.
Uğur komandasının Premyer Liqadakı debüt mövsümündə uğursuz çıxışından da danışıb: “Mövsümü sonuncu pillədə başa vurduq. Amma eşitmişəm ki, Azərbaycanda klubların sayını artırmaq istəyirlər. Ona görə də mümkündü ki, mənim klubum elitadakı yerini qorusun”.
Perspektivli yarımmüdafiəçi Azərbaycan yığmasına dəvətdən də danışıb: “Yığmanın hazırkı heyəti bir qədər fərqlidi. Hazırda kollektivə xeyli yeni futbolçu cəlb olunub ki, onlardan da biri mənəm. Gözləyirəm ki, Andorra ilə oyunda mənə də özümü göstərməyə imkan veriləcək. Azərbaycan yığmasıyla DÇ-2014-ün seçmə mərhələsində çıxış etməyi çox istərdim. Bu, mənim arzumdu”.
