30 may 2012 14:18
Tərlan Əhmədov: Baş məşqçi olmaq istəyirəm
“Neftçi”nin baş məşqçisi Böyükağa Hacıyevin əsas köməkçisi Tərlan Əhmədov azerisport.az saytının suallarını cavablandırıb, komandasının və öz planlarından danışıb.
- Oyunçu kimi nail ola bilmədiyiniz Azərbaycan çempionluğunu nəhayət ki, məşqçi kimi bacardınız...
- 1996-cı ili unutmayın. O vaxt çempionat fərqli formatla keçirilirdi. Mən onda “Qarabağ”da çıxış edirdim və nəyə görəsə bizim həmin çempionluğumuz şübhə altına alınır. “Neftçi” hələ ötən mövsüm çempion olanda da müxtəlif söhbətlər gəzirdi. Bu mövsüm titulunu qorumaqla komanda həmin şayiələrin necə yersiz olduğunu bir daha isbatladı.
- Başa çatan mövsümdən razısız?
- “Neftçi” öz oyununu sərgilədi. Bu il klub 75 yaşını qeyd edir. Bu üzdən də azarkeşlərimizə hədiyyə etmək istəyirdik. Təəssüf ki, kubokun finalında uduzduq. Amma bütövlükdə narazı qalmaq olmaz. Biz əla mövsüm keçirdik.
- “Neftçi” öz oyununu sərgilədi. Bu il klub 75 yaşını qeyd edir. Bu üzdən də azarkeşlərimizə hədiyyə etmək istəyirdik. Təəssüf ki, kubokun finalında uduzduq. Amma bütövlükdə narazı qalmaq olmaz. Biz əla mövsüm keçirdik.
- Böyükağa Hacıyevin gəlişi “Neftçi”də nəyi dəyişib? Arif Əsədovun komandası ilə müqayisədə nə kimi fərqlər var?
- Heyət baxımından heç bir dəyişiklik yox idi. Çünki Hacıyev elə həmin futbolçularla oynamağa üstünlük verdi və yeni oyunçu almaq istəmədi. Amma atmosfer dəyişib, komanda təzyiqdən xilas edilib.
- Heyət baxımından heç bir dəyişiklik yox idi. Çünki Hacıyev elə həmin futbolçularla oynamağa üstünlük verdi və yeni oyunçu almaq istəmədi. Amma atmosfer dəyişib, komanda təzyiqdən xilas edilib.
- Düşünmürsüz ki, bu heyətlə Çempionlar Liqasında işiniz çətin olacaq?
- Komandanın güclənməsi lazımdı. Özü də heyətdən altı futbolçu kənarlaşdırılıb. Bu üzdən də hər mövqeyə yeni oyunçular alınmalıdı.
- Komandanın güclənməsi lazımdı. Özü də heyətdən altı futbolçu kənarlaşdırılıb. Bu üzdən də hər mövqeyə yeni oyunçular alınmalıdı.
- Slavço Georgiyevski, Rəşad Abdullayev və Fərid Quliyev kimi futbolçular “Neftçi”yə ÇL-də kömək edə bilməzdi ki?
- “Neftçi”nin məşqçi korpusu bütün mövsümü analiz etdikdən sonra belə qərar çıxardı. Burada yaş amili, futbolçunun xarakteri, oyun təcrübəsi və digər məqamlar nəzərə alındı. Biz ÇL-də daha güclü futbolçularla uğur qazana bilərik.
- “Neftçi”nin məşqçi korpusu bütün mövsümü analiz etdikdən sonra belə qərar çıxardı. Burada yaş amili, futbolçunun xarakteri, oyun təcrübəsi və digər məqamlar nəzərə alındı. Biz ÇL-də daha güclü futbolçularla uğur qazana bilərik.
- Juluis Vobay və Rəşad Sadiqov kimi oyunçularla?
- Bəli. Onlar güclü futbolçulardı. Vobay özünü “Xəzər Lənkəran”da, Sadiqov “Qarabağ”da göstərib. İndi onların “Neftçi”yə nə dərəcədə faydalı olacaqlarını zaman göstərəcək.
- Belə söhbətlər dolaşır ki, Hacıyev baş məşqçi olsa da, “Neftçi”ni hazırda məhz siz idarə edirsiz. Bu xəbərlər nə dərəcədə doğrudu?
- Mən sadəcə məşqlərə nəzarət edirəm. Bu da birinci məşqçinin əsas işidi. Taktika, heyəti müəyyənləşdirmək, hazırlıq və digər məqamlar isə Hacıyevlikdi. Biz sadəcə onun tapşırıqlarını həyata keçiririk. Digər məsələlərdən söhbət gedə bilməz.
- Mən sadəcə məşqlərə nəzarət edirəm. Bu da birinci məşqçinin əsas işidi. Taktika, heyəti müəyyənləşdirmək, hazırlıq və digər məqamlar isə Hacıyevlikdi. Biz sadəcə onun tapşırıqlarını həyata keçiririk. Digər məsələlərdən söhbət gedə bilməz.
- Onda sualı başqa cür qoyaq: Tərlan Əhmədov “Neftçi”nin baş məşqçisi olmaq istəyirmi?
- Tərlan Əhmədov baş məşqçi olmağı istəyir. Olacaq da. “Neftçi”də də olmasa, başqa komandada. Amma hər şeyin öz vaxtı var. Mən hələ gəncəm və qabağa getmək istəyirəm. Hazırda işimdən narazı deyiləm.
