30 may 2012 16:10
Ermənistanda oynamış futbolçu Azərbaycan klubuna keçə bilər
Bolqarıstanın “Levski” klubunun hücumçusu Juninyo karyerasını Azərbaycanda davam etdirə bilər. Azerisport.az xəbər verir ki, son klubu Sofiya təmsilçisi olan braziliyalı futbolçu yeni baş məşqçi – İlian İliyevin gəlişindən sonra komandadan uzaqlaşdırılıb.
“Levski”də icarə əsasında çıxış edən futbolçu bu üzdən də indi özünə yeni iş yeri axtarır. Son məlumatlara görə onun xidmətində Rusiya, eləcə də Azərbaycan klubları maraqlıdı. Lakin konkret ad çəkilmir.
Maraq üçün qeyd edək ki, tam adı Xoze Karlos Noqueyra Junior olan futbolçu 1985-cü ildə anadan olub. Peşəkar karyerasına 2008-ci ildə vətənində “Rio Branco” klubunda başlamış hücumçu bir il sonra “Duque de Caxias”da çıxış edib. Daha sonra isə o, 2009-cu ildə “Slavia”ya (Sofia) transfer olunub. Bu komandada 54 oyuna 19 qol vuran Juninyo 2010-cu ildə Ermənistanın “Banants” klubunda icarə əsasında çıxış edib. “Levski”də isə 14 oyun keçirib, 6 qol vurduqdan sonra ondan imtina olunub.
