30 may 2012 16:51
Türkiyə futbolu şokda: UEFA daha iki kluba cəza kəsdi
UEFA Türkiyə futbolu ilə bağlı gözlənilməz qərarlar çıxarmağa davam edir. Azerisport.az xəbər verir ki, bir neçə saat öncə “Beşiktaş”ı avrokuboklardan kənarlaşdıran qitə futbol qurumu daha iki kluba oxşar cəza kəsib.
Belə ki, “Bursaspor”la “Gaziantepspor” da qitə miqyaslı turnirlərdə çıxışdan 1 il müddətinə məhrum olunub. “Beşiktaş” kimi “Bursaspor” da maliyyə məsələlərinə görə cəzalanıb. Bursa klubu keçmiş futbolçusu Kollinz Mbesuma ilə problemlərini vaxtında yoluna qoymadığına görə UEFA-nın qəzəbinə tuş gəlib. “Gaziantepsor”da isə bir sıra səbəblər əsas gətirilir.
Hələlik hər iki klubun İdman Arbitraj Məhkəməsinə müraciət edib, UEFA-nın qərarını dəyişmək şansı qalmaqdadı. “Beşiktaş” kimi onlar da qitə futbol qurumunun qərarını ədalətsiz hesab edirlər.
