30 may 2012 18:12
Xəzər Lənkərandan azarkeşlər üçün xoş xəbər
Yaxın zamanlarda “Xəzər Lənkəran” Futbol Klubunun 2012/2013 mövsümü üçün yeni abunə kartları satışa çıxarılacaq. Azerisport.az xəbər verir ki, cənub klubunun azarkeşlərinə xoş xəbər var.
Məsələ burasındadı ki, keçən illərə nisbətən bu kartların qiyməti xeyli endirilib. Belə ki, 35 AZN dəyərində olan Standart kart artıq 30 manata, 150 AZN dəyərində olan Gümüş kart – 100 manata, 300 AZN dəyərində olan Qızıl kart isə 200 manata qədər endirilib.
2009-cu ildə mövsümlük abunə kartlarının tətbiqi ilə “Xəzər Lənkəran” Futbol Klubu o zaman ölkə futbolu adına daha bir ilkə imza atıb. Azarkeş dəstəyi sarıdan liderliyi son mövsümlərdə heç kimə verməyən “Xəzər Lənkəran”ın bu addımı tərəfdarlarının rahatlığını təmin edilməsinə, eyni zamanda marketinq və kommersiya baxımından vacib sayılan sabit gəlirə sahib olmasına hesablanmışdı. Abunə kartlarının qiymətlərinin endirilməsilə kluba onun sədaqətli azarkeşləri üçün daha əlverişli şərait yaradır.
Standart, Gümüş və Qızıl kartların özəlliklərini bir daha xatırladırıq:
Standart kart – 30 AZN
- stadiona VİP girişdən daxil olmaq
- 2012/13 mövümü üçün tribunalarda klub tərəfindən müəyyən edilmiş oturacaqlardan istifadə etmək.
Gümüş kart – 100 AZN
- stadiona VİP-girişdən daxil olmaq
- 2012/13 mövümü üçün VİP-B tribunasında oturacaq
- fan-şopda endirim
Qızıl kart – 200 AZN
- stadionun ərazisində avtomobil dayanacağından istifadə etmək
- stadiona VİP-girişdən daxil olmaq
- 2012/13 mövsümü üçün VİP-A tribunasında oturacaq
- klubun rəsmi tədbirlərində iştirak etmək
