30 may 2012 21:24
Millimiz Qırğızıstanı 5 qolla keçdi (YENİLƏNİB)
Bu gün AFFA-nın təşkilatçılığı ilə Bakı şəhərində 17 yaşadək futbolçulardan ibarət yığma komandalar arasında ikinci “Caspian Cup” beynəlxalq turnirinə start verilib. Azerisport.az xəbər verir ki, bu turnirdə Azərbaycan yığması ilə yanaşı Türkiyə, Yaponiya, Gürcüstan, Qazaxıstan, Litva, Özbəkistan və Qırğızıstanın müvafiq yığma komandası iştirak edir.
Litva, Qazaxıstan, Qırğızıstan və Azərbaycan milliləri eyni qrupda yer alırlar. Bu qrupda ilk oyun günündə Litva Qazaxıstanla, Azərbaycan isə Qırğızıstanla üz-üzə gəlib. Qazaxlar Litva səddini çətinliklə də olsa, keçə biliblər. Yığmamız isə qırğızlar üzərində əzmkar qələbəyə - darmadağına imza atıb.
Yaponiya, Gürcüstan, Özbəkistan və Türkiyə yığmaları isə digər yarımqrupda mübarizə aparırlar. Açılış günündə Türkiyə Gürcüstanla üz-üzə gəlib və qələbə qazanıb. Yaponiya da Özbəkistanla qarşılaşıb. Özbəklər iki cavabsız qolla qalib gəliblər.
Qeyd edək ki, turnirin oyunlarında stadiona giriş sərbəstdi.
Caspian Cup
30 may
Litva – Qazaxıstan - 1:2
Bakı. AZAL Arena.
Türkiyə – Gürcüstan - 3:2
Bakı. Dalğa Arena.
Azərbaycan – Qırğızıstan - 5:1
Bakı. Dalğa Arena.
Qollar: Cem Fələk, 27, Mirkamil Həşimli, 36-pen, Fəhmin Muradbəyli, 41, Elnur Cəfərov, 77, Mahir Mədətov, 80+2-pen.
Qırmızı vərəqə: Eldar Şərifov, 36 (Qırğızıstan, cərimə meydançasında bilərəkdən əllə oyun)
Yaponiya – Özbəkistan - 0:2
Bakı. Dalğa Arena.
