31 may 2012 00:55
“Bunun bəhrəsini seçmə mərhələdə görəcəyik”
Futbol üzrə Azərbaycan yığmasının yarımmüdafiəçisi Elvin Məmmədov Andorra ilə yoxlama oyunu barədə fikirlərini açıqlayıb. Azerisport.az saytına müsahibəsində “Bakı”lı futbolçu 0:0 hesabıyla başa çatan görüş haqda bunları dilə gətirib:
- Nə pis, nə də yaxşı oynadıq. Xeyli qol epizodları yaratdıq. Lakin onlardan heç cür yararlana bilmədik. Minimum 3:0 hesabıyla qalib gəlməliydik. Daha ədalətli yanaşsaq, 5:0 və ya 6:0 hesabıyla da qalib gələ bilərdik. Amma futbolda hərdən belə də olur ki, qol vurmaq üçün hər şeyi etsən də, buna nail ola bilmirsən.
- Andorradan belə oyun gözləyirdiz?
- Prinsipcə, bu onların əsas oyun üslubudu. 90 dəqiqə ərzində müdafiə olunmaqla nəyəsə ümid edirlər. Nəticədə bizə qol vurmağa imkan vermədilər.
- DÇ-2014-ün startına 3 ay qalmış Andorraya qol vura bilməyən komandadan azarkeşlər nə gözləyə bilər?
- Biz də hər şeyi gözəl başa düşürük və buna görə çox məyusuq. Çünki bu təlim-məşq toplanışı seçmə mərhələ öncəsindəki əsas hazırlıq prosesimiz idi. Düzdü, keçirdiyimiz sınaq matçlarının nəticələri azarkeşlərimizi sevindirə bilməz. Amma bu toplanış yığma üçün çox faydalı oldu. Fikrimcə, bunun bəhrəsini seçmə mərhələdə görəcəyik.
- Biz də hər şeyi gözəl başa düşürük və buna görə çox məyusuq. Çünki bu təlim-məşq toplanışı seçmə mərhələ öncəsindəki əsas hazırlıq prosesimiz idi. Düzdü, keçirdiyimiz sınaq matçlarının nəticələri azarkeşlərimizi sevindirə bilməz. Amma bu toplanış yığma üçün çox faydalı oldu. Fikrimcə, bunun bəhrəsini seçmə mərhələdə görəcəyik.
- Bir il idi yığmada deyildiniz. Belə qayıdışı gözləyirdizmi?
- Zədə səbəbindən xeyli müddət yığmadan kənarda qalmalı oldum. Təbii ki, belə qayıdışı istəməzdim. Daha yaxşı oynaya bilərdim. Amma məni də başa düşmək olar. Bir il millidən uzaq qalmaq təsirini göstərir. Ümid edirəm ki, gələcək oyunlarda milliyə daha çox fayda verəcəyəm.
- Zədə səbəbindən xeyli müddət yığmadan kənarda qalmalı oldum. Təbii ki, belə qayıdışı istəməzdim. Daha yaxşı oynaya bilərdim. Amma məni də başa düşmək olar. Bir il millidən uzaq qalmaq təsirini göstərir. Ümid edirəm ki, gələcək oyunlarda milliyə daha çox fayda verəcəyəm.
