31 may 2012 14:48
Ramiz Məmmədov: Berti Foqts özünü aldadır
“Qəbələ”nin sabiq baş məşqçisi Ramiz Məmmədov Azərbaycan yığmasının baş məşqçisi Berti Foqtsun millimizi AÇ-2016-ya çıxarmaq istəyi ilə bağlı fikirlərinə münasibətini açıqlayıb. Azerisport.az saytına müsahibəsində o, bunları dilə gətirib:
“Foqts beş ildi yığmamızda çalışır və hələ ki, böyük inkişaf yoxdu. Bizi daha nə qədər aldadacaq? Öncə onun sözlərini şərh etmirdik ki, gəncik, təcrübəmiz yoxdu. İndi təcrübə də toplamışıq. Bu üzdən də ondan normal futbol tələb etməyə haqqımız var. Belə futbolla AÇ-2016-ya vəsiqə qazanmaq real deyil. Siz baxın görün yığma necə hücum edir, necə müdafiə olunur. Foqts özü özünü aldadır. Onsuz da DÇ-2014-ün seçmə mərhələsindən sonra çox şeyə aydınlıq gələcək. Məhz onda biləcəyik ki, Foqts yığmada nə etmək istəyir. Avropa çempionatına vəsiqə qazanmaq istəyən komanda elə DÇ-2014-ün seçmə mərhələsində də normal xal yığmaqla buna inam yaratmalıdı. Siz bunu real hesab edirsiz? Özü də belə oyunla”.
