31 may 2012 16:38
Qvardiola 1,5 milyon dollarlıq şərhçilikdən imtina edib
Meksikanın “Televisa” teleşirkəti İspaniyanın “Barcelona” komandasının sabiq baş məşqçisi Xosep Qvardiola və “Real”ın baş məşqçisi Joze Mourinyoya 1,5 milyon dollar müqabilində bu il keçiriləcək futbol üzrə Avropa çempionatının oyunlarını şərh etməyi təklif edib. Azerisport.az xəbər verir ki, Qvardiola artıq bu təklifdən imtina edib. Joze Maurinyo isə razılıq verməyə meyllidi.
Xosep Qvardiola etiraz etməsini futbolla bağlı artıq dincəlməyə ehtiyacı olması ilə əsaslandırıb. Onun sözlərinə görə, “Barcelona” komandasına rəhbərlik etdiyi 4 il ərzində hər dəqiqə keçmiş və gələcək oyunlar barədə düşünüb və çox yorulub.
