31 may 2012 21:50
Qəbələ Galatasaraya, Qarabağ Feyenoorda uduzdu (YENİLƏNİB)
Bu gün I Qəbələ Kuboku start götürüb. Azerisport.az xəbər verir ki, ilk turda "Qəbələ" "Brondbü" və "Qarabağ" - "Levante" qarşılaşmaları baş tutub.
Eyni vaxtda keçirilən oyunlarda "Qəbələ" rəqib üzərində böyükhesablı qələbə qazansa da, digər Azərbaycan təmsilçisi "Qarabağ" minimal hesablı məğlubiyyətlə razılaşıb. "Qəbələ" - "Brondbü" matçı meydan sahiblərinin üstünlüyü ilə keçib. "Qəbələ"nin 6 qoluna danimarkalılar 2 qolla cavab veriblər. "Qəbələ"nin heyətində Coşqun Süleymanov (2), Viqar Əlibabayev (2), Əli Səmədov və Ülvi İskəndərov fərqləniblər. İspanlarla qarşılaşmada məğlub olan "Qarabağın yeganə qoluna isə Şaxban Cəbrayılov imza atıb.
Qrupların digər oyunlarında “Qalatasaray” – “Vilyarreal” və “Feyenoord” – Serbiya MK münasibətlərinə aydınlıq gətiriblər. A qrupunun ikinci oyununda – “Qalatasaray” – “Vilyarreal” görüşündə tərəflər hərəyə bir dəfə fərqləniblər və meydançadan sülhlə ayrılıblar – 1:1. B qrupunda baş tutan ininci qarşılaşma isə məhsuldarlığı ilə yadda qalıb. Serbiya MK rəqibin qapısından 5 cavabsız top keçirib.
Qeyd edək ki, iyunun 4-dək davam edəcək yeniyetmə futbolçular arasındakı bu mötəbər yarışa 8 klub qatılıb və 2 qrupda mübarizə aparırlar.
31 may (cümə axşamı)
A qrupu
“Qəbələ” – “Brondbü” - 6:2
Hakimlər: Əliyar Ağayev, Rza Məmmədov, Təhmasib İsmayılov, Yusif Hüseynov
“Qalatasaray” – “Villareal” - 1:1
Hakimlər: Əliyar Ağayev, Rza Məmmədov, Təhmasib İsmayılov, Yusif Hüseynov
“Qəbələ” – “Qalatasaray” - 0:2
Hakimlər: Səbayel Qurbanova, Yuliya Larionova, Gülyana Güvəndiyeva, Fəridə Lütfəliyeva
“Brondbü” – “Villareal” - 1:0
Hakimlər: Qurbanova Səbayel, Larionova Yuliya, Güvəndiyeva Gülyana, Lütfəliyeva Fəridə
Turnir cədvəlində son durum: Qalatasaray - 4, Qəbələ, Bröndbü - 3, Villareal - 1.
B qrupu
“Qarabağ” - “Levante” - 1:2
Hakimlər: Etibar Həsənov, Rahin Heybətov, Teymur Teymurov, Nail Nağıyev
“Feyenoord” – “Serbiya NT” - 0:5
Hakimlər: Etibar Həsənov, Rahin Heybətov, Teymur Teymurov, Nail Nağıyev
“Qarabağ” – “Feyenoord” - 0:1
Hakimlər: Venera Kahriç, Ülviyyə Mustafayeva, Maya Nəbiyeva, Tamila Nəbiyeva
“Levante” – “Serbiya NT” - 1:2
Hakimlər: Venera Kahriç, Ülviyyə Mustafayeva, Maya Nəbiyeva, Tamila Nəbiyeva
Turnir cədvəlində son durum: Serbiya - 6, Levante, Feyenoord - 3, Qarabağ - 0.
