Yığmamız Norveçə yenə məğlub oldu (YENİLƏNİB)

Bu gün gənclərdən ibarət yığmalar arasında 2013-cü ildə keçiriləcək futbol üzrə Avropa çempionatının seçmə mərhələsi çərçivəsində növbəti oyunlar baş tutub. Azerisport.az xəbər verir ki, Azərbaycanın U-21 yığması da öz qrupunda sayca altıncı matçına çıxıb.

 

Belə ki, Bernard Lippertin çalışdırdığı komandamız səfərdə Norveçin qonağı olub. Hansı ki, bu komanda keçirdiyi ilk dörd oyundan ikisində qalib gəldiyi halda, birində heç-heçə edib, birində isə uduzmuşdu. Norveçlilər millimizi 3 xal qabaqlayırdılar ki, futbolçularımız qələbə qazanacaqları halda, bu fərqi aradan qaldıra bilərlərdilər. Norveç yığması isə növbəti 3 xal qazanmaqla ikinci pilləyə yüksəlməyi hədəfləmişdilər.

 

Qeyd edək ki, buna qədər yığmamız 5 oyun keçirmişdi ki, onlardan birində qələbə qazanıb, birində heç-heçəyə nail olub, qalanlarında məğlub olmuşduq. İlk iki oyununu səfərdə keçirən millimiz ardıcıl olaraq İngiltərəyə (0:6) və Belçikaya (1:4) uduzmuşdu. Daha sonra isə evdə Norveçə (0:2) yenilən futbolçularımız Belçika ilə ev oyununda 2:2 hesablı heç-heçəyə nail olmuşdular. İslandiya ilə ev oyununda isə komandamız seçmə mərhələdə ilk qələbəsini qazanmışdı – 1:0.

 

Təəssüf ki, Norveçlə səfər oyunumuz da uğursuz alınıb. Meydan sahiblərinin ilk yarıda vurduğu qol matçda yeganə olub.

 

Sonda onu da bildirək ki, Azərbaycan yığması iyunun 5-də İslandiya ilə də səfər matçına çıxacaq.

 

AÇ-2013-ün seçmə mərhələsi

8-ci qrup

1 iyun

 

Norveç - Azərbaycan - 1:0 (1:0)

Qol: M.Pedersen, 29 (1:0).

Baş hakim: Dimitar Meçkarovski (Makedoniya)

Drammen. “Marienlüst” stadionu.

 

NORVEÇ: 1. Arild Estbe, 2. Veqar Hedenstad, 3. Martin Byurnbek, 4. Stefan Strannberq (k), 5. Yoahim Voqe-Nilsen, 6. Maqnus Eykrem, 7. Harmet Sinqh, 9. Coşua Kinq, 10. Markus Pedersen, 11. Tomas Draqe, 15. Andres Konradssen.

Ehtiyat oyunçular: 12. Eryan Nyulann-Haşold, 8. Yo-İnqe Berqet, 13. Martin Linnes, 14. Maqnar Edeqor, 16. Yann-Erik de Lanlay, 18. Fredrik Ulvestad, 20. Muşaqa Bakenqa.

Baş məşqçi: Per-Yoar Hansen.

AZƏRBAYCAN: 1. Səlahət Ağayev, 2. Qara Qarayev, 3. Tərlan Quliyev, 6. Mirhüseyn Seyidov (k), 7. Araz Abdullayev, 9. Orxan Həsənov, 10. Eşqin Quliyev, 13. Əli Gökdəmir, 14. Bədavi Hüseynov, 17. Cavid İmamverdiyev, 19. Abdulla Abatsiyev.

Ehtiyat oyunçular: 12. Osman Umarov, 4. Elvin Yunuszadə, 5. Novruz Məmmədov, 11. Ruslan Qurbanov, 15. Amit Quluzadə, 21. Rəhman Hacıyev, 23. Tural İsgəndərov.

Baş məşqçi: Bernard Raab.

 

Oyun başladı

5. Kinqin qapıya zərbəsi müdafiəçilərimizdən dönür

6. Seyidovun zərbəsi qapıdan aralı keçir

7. Gökdəmir də qeyri-dəqiq zərbə ilə yadda qalır

15. Meydanda çox sönük oyun gedir

20. Konradsenin zərbəsi qeyri-dəqiq olur

22. İmamverdiyevin zərbəsi zamanı top qapıdan yan keçir

29. Pedersen dəqiq zərbə ilə hesabı açır - 1:0

33. Meydan sahiblərinin kornerdən ikinci qolu vurmaq istəyi baş tutmur

34. Seyidov ofsayda düşür

37. İmamverdiyev də oyundankənar vəziyyətə düşməklə yadda qalır

38. Sinqhin zərbəsi zamanı qapıçımız əla oynayır

39. Konradssenin zərbəsi zamanı yenə Ağayev qapısının toxunulmazlığını qorumağı bacarır

44. Kinqin hesabı artırmasına yenə qapıçımız mane olur

45. Pedersenin zərbəsi qapıdan aralı keçir

Birinci hissə başa çatdı

İkinci hissə başladı

46. Norveçin heyətində Draqe yerini Berqetə verir

49. Kinqin zərbəsi qapıdan aralı keçir

51. Pedersenin növbəti zərbəsi qeyri-dəqiq olur

53. Berqetin hesabı artırmasına qapıçımız mane olur

54. Norveçlilərin kornerdən fərqlənmək istəyi alınmır

54. Abdullayevin zərbəsi qapıdan aralı keçir

56. Gökdəmir də hədəfə düşə bilmir

57. Norveçin növbəti korneri də uğursuz alınır

59. Eşqin sarı vərəqə ilə cəzalanır

60. Pedersendən daha bir qeyri-dəqiq zərbə

61. Berqet də oxşar zərbə ilə yadda qalır

62. Norveçlilərin korner vuruşu zamanı müdafiəçilərimiz yaxşı oynayırlar

63. Konradssenin zərbəsi hədəfdən yan keçir

64. Eykremin uzaqdan zərbəsi dəqiq olmur

65. Komandamız fasilədən sonra demək olar ki, ancaq müdafiə olunur

68. Seyidovun uzaqdan qapıya yol tapmaq cəhdi uğursuz alınır

71. Gökdəmir sarı vərəqə ilə cəzalanır

71. O.Həsənov yerini R.Hacıyevə verir

72. E.Quliyevin əvəzində isə meydana A.Quluzadə çıxır

75. Amitin meydana çıxdıqdan sonrakı ilk işi sarı vərəqə almaq olur

76. Stranbberqin zərbəsi hədəfdən yan keçir

77. Komandamızın heyətində son əvəzləmə: Abatsiyevi R.Qurbanov əvəzləyir

77. Meydan sahibləri künc zərbəsi yerinə yetirir: müdafiəçilərimiz sayıqdılar

82. Kinqin əvəzində meydana de Lanlay çıxır

84. Pedersen sarı vərəqə alır

89. Sinqhin əvəzində meydana Ulvestad çıxır

90. R.Qurbanov da sarı vərəqə alır

90+1. Strannberqin zərbəsi qapıdan aralı keçir

90+3. Hedenstad sarı vərəqə alır

90+4. Berqetin zərbəsi zamanı Ağayev komandamızı qoldan xilas edir

Matç başa çatdı