3 iyun 2012 20:04
Bakı Verpakovski və Şarliya ilə yollarını ayıra bilər
“Bakı”nın baş məşqçisi Novruz Əzimov komandanın yeni mövsüm üçün heyətdə görmək istəmədiyi futbolçuların siyahısını müəyyənləşdirib. Azerisport.az xəbər verir ki, o, artıq heyətlə bağlı istəklərini rəhbərliyin də nəzərinə çatdırıb.
Novruz Əzimovun istəyi ilə hücumçu Maris Verpakovski və qapıçı Marko Şarliya da “zolaqlılar”la yollarını ayıra bilər. Lakin “Bakı” rəhbərliyi öncə hər iki futbolçuya yeni müqavilə təklif edəcək. Onlar bu təkliflə razılaşsa, komandada qalmaları mümkündü. Əks halda hər iki futbolçu yola salınacaq.
Komandanın sıralarına cəlb olunacaq yeni futbolçuların kimliyinə isə qarşıdakı Sloveniya toplanışı zamanı aydınlıq gələcək. Baxışa dəvət olunacaq futbolçular arasında hücumçu və qapıçı da olacaq.
