3 iyun 2012 11:53
Bakı Sloveniyanın bürünc mükafatçısı ilə qarşılaşacaq
Futbol üzrə Azərbaycan kubokunun qalibi “Bakı” Avropa Liqasına hazırlıq planlarını müəyyənləşdirib. Azerisport.az xəbər verir ki, komanda iki gün sonra bir araya gələcək - toplanış iyunun 5-də start götürəcək.
Həmin gündən komanda UEFA Avropa Liqası və növbəti ölkə çempionatının hazırlıqlarına start verəcək. İliin mərhələdə 1 həftə ərzində paytaxda məşqlər keçəcək "Bakı" Qəbələyə yollanacaq və 16 iyun tarixinə qədər burada məşq edəcək. Hazırlığın ikinci mərhələsi ənənəyə uyğun olaraq Sloveniyada baş tutacaq. Komanda 18-29 iyun günlərində məşq etməklə bərabər 3 yoldaşlıq oyunu keçirəcək. Artıq rəqiblərdən birinin adı məlumdu. Bu, Sloveniyanın “Mura” klubudu. Sözügedən komanda ötən mövsüm üçüncü yeri tutub. Digər rəqiblərin adları isə hələlik məlum deyil.
Üçüncü mərhələ UEFA Avropa Liqası püşkünün nəticəsinə görə təyin olunacaq. Bu zaman rəqibin kimliyi və ilk oyunun hansı meydanda keçiriləcəyi həlledici amil kimi nəzərə alınacaq.
