4 iyun 2012 12:52
Braziliya məğlub oldu, İspaniya qələbə qazandı
Dünyanın yaşıl meydanlarında müxtəlif ölkə yığmaları yoldaşlıq oyunları keçirməyə davam edirlər. Azerisport.az ötən gecə baş tutan görüşlərin nəticələri ilə sizi də tanış edir.
Baltika kubokunda iştirak edən Latviya və Finlandiya yığmaların görüşündə Aleksandr Starkovun yetirmələri üstün olublar. Əsas vaxtı 1:1 hesabı ilə başa çatan görüşün penaltilər seriyasında latışlar daha dəqiq oynayıblar. Bu turnirin digər oyununda isə Estoniya Litvanı tək qolla keçib.
Öz meydanında Meksika yığması ilə qarşılaşan Braziliya yığması görüşdən məğlub ayrılıb. Covanni Dos Santos və Xavyer Ernandesin qolları meksikalılara qələbə qazandırıb.
Son dünya və Avropa çempionu İspaniya millisi isə Çinlə yoldaşlıq görüşündə qüvvəsini sınayıb. Matçın taleyini bir qol həll edib. David Silvanın matçın 84-cü dəqiqəsində vurduğu qol ispanlara qələbə qazandırıb - 1:0.
Yoldaşlıq oyunları
3 iyun
Finlandiya - Latviya - 1:1 (penaltilərlə - 5:6)
Estoniya - Litva - 1:0
Braziliya - Meksika - 0:2
İspaniya - Çin - 1:0
Puerto Riko – Nikaraqua – 1:1
