5 iyun 2012 15:25
Çelsidən 40 milyon avroluq transfer (FOTO)
Futbol üzrə Belçika yığmasının və Fransanın “Lille” klubunun ulduz futbolçusu Eden Hazardın yeni komandasının adı nəhayət ki, dəqiqləşib. Azerisport.az xəbər verir ki, az qala Avropanın bütün nəhənglərinə keçidi barədə xəbərlər dolaşan belçikalı forvard sonda İngiltərənin “Chelsea” klubuna razılıq verib.
Artıq London təmsilçisi bu transferi bitirməsi barədə rəsmi açıqlama da yayıb. Məlumatda bildirilir ki, “Chelsea” Hazarda görə 40 milyon avrosundan keçməli olub.
Hazard “Chelsea” klubuna üstünlük verməsində daha çox “Lille”də komanda yoldaşı olan Co Koulun məsləhətlərinin rol oynadığını etiraf edib. Qeyd edək ki, Co Koul da vaxtilə məhz London təmsilçisinin şərəfini qoruyub.
“Chelsea”nin tezliklə “Porto”nun braziliyalı forvardı Halkı da heyətinə qatması gözlənilir.
