5 iyun 2012 16:17
İslandiya – Azərbaycan matçı 1 dəqiqəlik sükutla başlaya bilər
AÇ-2013-ün seçmə mərhələsi çərçivəsində bu gecə keçiriləcək Azərbaycan və İslandiyanın 21 yaşadək futbolçulardan ibarət yığmalarının oyunu 1 dəqiqəlik sükutla başlaya bilər. Azerisport.az xəbər verir ki, nümayəndə heyətimiz artıq bu məqsədlə UEFA rəsmilərinə müraciət də edib.
Qeyd edək ki, bu səhər Ermənistanın təxribatçı qrupu Qazax rayonunun Aşağı Əskipara kəndində yerləşən Azərbaycan Silahlı Qüvvələrinin mövqelərinə girməyə cəhd göstərərkən 5 hərbçimiz şəhid olub. Bu üzdən də yığmamızın rəhbərliyi sözügedən qarşılaşmada həmin şəhidlərimizin ruhunun bir dəqiqəlik sükutla yad edilməsinə nail olmaq istəyir.
Bu məsələyə toxunan AFFA-nın baş katibi Elxan Məmmədov bunları dilə gətirib: “Beş əsgərimizin faciəvi şəkildə şəhid olması barədə xəbəri biz bu matçdan öncə UEFA rəsmiləriylə baş tutan texniki görüşdən sonra eşitdik. Amma bu gün onlara bu məqsədlə mütləq müraciət edəcəyik”.
