5 iyun 2012 00:11
Paytaxt klubunda yeni baş məşqçi
İtaliyanın “Roma” klubu yeni baş məşqçisinə qovuşub. Azerisport.az xəbər verir ki, son mövsüm başa çatan kimi Luis Enrike ilə yollarını ayırmalı olan paytaxt təmsilçisi bu dəfə Zdenek Zemanla anlaşıb.
Onunla ötən gün 2 illik müddətinə müqavilə imzalanıb. “Peskara”nı bu mövsüm B Seriyasında çempion edərək elitaya çıxaran təcrübəli çexiyalı mütəxəssis yenidən “Roma”dan təklif aldığı üçün bundan imtina etməyib.
Qeyd edək ki, Zeman üçün “Roma” tanış komandadı. Belə ki, o, 1997–1999-cu illər aralığında da “canavarlar”ın sükanı arxasında çalışıb. O, bundan əlavə İtaliyanın “Palermo”, “Foggia”, “Parma”, “Messina”, “Lazio”, “Napoli”, “Lecce”, “Brescia” və daha bir neçə klubunda çalışıb. Zeman bir ara Serbiyanın “Crvena Zvezda”, həmçinin Türkiyənin “Fenerbahçe” klublarına da rəhbərlik edib.
