6 iyun 2012 18:16
Futbolumuzun professoru üçün vida matçı keçiriləcək
Futbolçu karyerasını başa vurmalı olan Mahmud Qurbanov vida matçı keçirəcək. Azerisport.az xəbər verir ki, bu, gələn mövsüm baş tutacaq.
Həmin oyunda digər veteran futbolçularımızın da iştirakı nəzərdə tutulub. Lakin hələlik bununla bağlı bütün detallar açıqlanmır.
Qeyd edək ki, futbolumuzun “professor”u adlandırılan Mahmud daha bir il futbol oynamaq istəyində idi. Lakin birinci divizionda çıxış edən Gəncənin “Tərəqqi” klubu Qurbanova baş məşqçi təklifi ünvanladığından, o, belə fürsəti qaçırmaq istəməyərək, oyunçu karyerasını başa vurmağa qərar verdi.
