7 iyun 2012 14:59
İspaniya futbolu şokda
İspaniya futbolu böyük itki ilə sarsılıb. Azerisport.az xəbər verir ki, məşqçi Manolo Presiado gözlənilmədən dünyasını dəyişib.
54 yaşlı təcrübəli mütəxəssis ötən gecə ürək dayanması nəticəsində həyatını itirib. Nə qədər qəribə olsa da, bir neçə ilə öncə həyat yoldaşını xərçəngdən itirən Presiadonun 15 yaşlı oğlu da avtomobil qəzasında dünyasını dəyişmişdi.
Daha bir maraqlı məqam Presiadonun ötən gün “Villareal”la müqavilə bağlamasıdı. Belə ki, bu mövsüm La Liqanı tərk edən komandanı çalışdırmaqla bağlı razılığa gələn məşqçi elə həmin gecə ürəyinə yenilib.
Qeyd edək ki, Presiado ötən mövsüm “Sporting”i çalışdırırdı. O, vaxtilə “Racing”, “Levante”, “Murcia”, “Gimnastic” kimi klublarda da çalışıb. Bu mütəxəssis həmçinin "Real"ın baş məşqçisi Joze Mourinyonun çalışdırdığı komandalarla doğma meydanda 9 illik məğlubiyyətsiz seriyaya son qoymaqla da diqqət mərkəzinə düşməyi bacarıb. Presiadonun çalışdırdığı "Sporting" ötən il "Santyaqo Bernabeu"da oynanılan qarşılaşmada "Real"ı 1:0 məğlup etmişdi.
