8 iyun 2012 17:16
Zeynal Məmmədov: Buna görə AFFA-ya da müraciət edəcəyik
“Bakı”nın vitse-prezidenti Zeynal Məmmədov ötən gün U-15 Liqanın final matçı çərçivəsində baş tutan “Neftçi” ilə qarşılaşma başa çatdıqdan sonrakı xoşagəlməz olaylara münasibətini açıqlayıb. Azerisport.az saytına müsahibəsində o, bunları dilə gətirib:
“Məni ən çox təəssüfləndirən məqam odu ki, bu münaqişədə uşaqlar da iştirak edirdilər. Mən başa düşmürəm ki, “Neftçi” bununla onlara nə nümunə göstərdi. Məgər biz dava edə bilmirik? Meydanda belə şeylərə yol vermək olmaz. Onlar qalib gəldilər, biz təbriklərimizi çatdırdıq. Amma görünür, “Neftçi” buna öncədən hazırlaşırmış. Yəqin özlərini reklam etmək istəyirmişlər. Olaylara səbəb oyundan sonra “Neftçi”nin bir futbolçusunun bizim ehtiyatdakı oyunçularımızdan birinə xoşagəlməz jest göstərməsi oldu. Hər şey də ondan sonra başladı. Həmin vaxt Yaşar Seyidov meydana qaçdı ki, aranı sakitləşdirsin. Amma bu zaman “Neftçi”nin rəsmisi Mübariz Xudiyev əlindəki su qabını onun başına vurub. O, təhqiredici ifadələr də işlədib”.
“Məni ən çox təəssüfləndirən məqam odu ki, bu münaqişədə uşaqlar da iştirak edirdilər. Mən başa düşmürəm ki, “Neftçi” bununla onlara nə nümunə göstərdi. Məgər biz dava edə bilmirik? Meydanda belə şeylərə yol vermək olmaz. Onlar qalib gəldilər, biz təbriklərimizi çatdırdıq. Amma görünür, “Neftçi” buna öncədən hazırlaşırmış. Yəqin özlərini reklam etmək istəyirmişlər. Olaylara səbəb oyundan sonra “Neftçi”nin bir futbolçusunun bizim ehtiyatdakı oyunçularımızdan birinə xoşagəlməz jest göstərməsi oldu. Hər şey də ondan sonra başladı. Həmin vaxt Yaşar Seyidov meydana qaçdı ki, aranı sakitləşdirsin. Amma bu zaman “Neftçi”nin rəsmisi Mübariz Xudiyev əlindəki su qabını onun başına vurub. O, təhqiredici ifadələr də işlədib”.
Məmmədov “Bakı”nın oyunçularının bəzi mülki geyimli şəxslər tərəfindən döyüldüyünü də bəyan edib: “Mən belə şeylərin nə qədər davam edəcəyini bilmirəm. Bu, bizim klublar arasındakı üçüncü belə münaqişədi. Əgər komandan qalib gəlirsə, daha nəyə görə belə hərəkət etməlisən ki? Belə şeylər olan yerdə futbol inkişaf etməz. Buna görə biz AFFA-ya da müraciət edəcəyik”.
