8 iyun 2012 17:35
“Qoy Bakı rəsmiləri etmədiyimiz və heç vaxt etməyəcəyimiz şeylərə görə bizi ittiham etməsinlər”
“Neftçi”nin mətbuat xidmətinin rəhbəri Gündüz Abbaszadə ötən gün U-15 Liqanın final matçı çərçivəsində keçirilən “Bakı” ilə qarşılaşma başa çatdıqdan sonrakı xoşagəlməz olaylara münasibətini açıqlayıb. Azerisport.az saytına müsahibəsində o, bunları dilə gətirib:
“Qalib gələn komanda heç vaxt davanın təşəbbüskarı ola bilməz. Ötən gün qalib gələn biz olduq. Ona görə də belə şeylər bizim nəyimizə lazım idi ki? Hadisənin baş verməsinə “Bakı”nın futbolçusu səbəb oldu. Hər şeyin günahkarı 85 nömrəli futbolçu idi. Yaşar Seyidov isə futbolçularını sakitləşdirmək əvəzinə onun oğlu yaşında olan oyunçularımıza əl qaldırdı. O, özünü çox aqressiv aparırdı. Elə bizim klubun rəsmisi Mübariz Xudiyevə da qarşı. Özü də ona heç kim su qabı atmayıb. “Neftçi” rəsmiləri belə şeylərlə məşğul olmur. Mümkündü ki, onu tribunadan atıblar. Bütün baş verənlər videolentə alınıb. Ona görə də qoy “Bakı” rəsmiləri bizi etmədiyimiz və heç vaxt etməyəcəyimiz şeylərə görə ittiham etməsinlər”.
