10 iyun 2012 18:54
İnterdə daha bir gürcü məşqçi (FOTO)
“İnter” Peşəkar İdman Klubunda yeni təyinat reallaşıb. Azerisport.az xəbər verir ki, gürcü mütəxəssis Aleksandr Rexviaşvili məşqçi-seleksiyaçı vəzifəsinə təyin olunub.
Qeyd edək ki, 2006-cı ildə futbolçu karyerasını başa çatdıran Rexviaşvili daha sonra FİFA agenti kimi fəaliyyət göstərib. Bundan sonra isə o, Latviyanın “Olimps” klubunda çalışıb.
O, futbolçu karyerası ərzində Gürcüstanın “Dinamo” (Tiflis), “Metalurq” (Rustavi), Latviyanın “Skonto”, və “Ventspils”, Rusiyanın “Torpedo-Metallurq” (Moskva) və Azərbaycanın “Bakı” klublarında çıxış edib. 2005-ci ildə “Ventspils”dən “Bakı”ya keçən gürcü ölkəmizdə 6 ay qalıb və 2006-cı ildə karyerasını bitirib. O, “Skonto”da “Bakı”nın sabiq baş məşqçisi Aleksandr Starkovun rəhbərliyi altında oynayıb. Rexviaşvili “Bakı”nın 2006-cı ildəki çempionluğunda pay sahibi olub. Onun paytaxt klubuna transferi Əsgər Abdulalyevin vaxtında reallaşıb. Rexviaşvili Abdullayevin istefaya göndərilməsindən sonra baş məşqçi postuna keçən Böyükağa Hacıyevin vaxtında əsas heyət oyunçusuna çevrilib. Ancaq çempionluqdan sonra onunla bitən müqavilənin müddəti uzadılmadığından, gedəsi olub.
