12 iyun 2012 01:43
30 futbolçudan ibarət mövsüm
“Qəbələ” klubunun mətbuat xidməti komandanın 2011-2012 mövsümü ilə bağlı statistik məlumatlar hazırlayıb. Azerisport.az həmin statistik məqamlarla sizi də tanış edir:
- Premyer Liqanın 2011/12 mövsümündə 30 futbolçu “Qəbələ”nin şərəfini qoruyub.
- Premyer Liqanın 2011/12 mövsümündə “Qəbələ”nin heyətində ən çox oyun keçirən Luiz Paulo Hilarodur – 31 oyun.
- Ümumilikdə 13 futbolçu oyunların yarıdan çoxunda – minimum 17 qarşılaşmada meydana çıxıb.
- 4 futbolçu isə cəmi 1 oyunda iştirak edib. Bunlar Amil Yunanov, Sergey Sokolov, Elnur Mustafazadə və Seymur Əsədovdur.
- Dəqiqə etibarilə Luis Paulo Hilario hamıdan çıx, Sergey Sokolov hamıdan az oynayanlardır – müvafiq olaraq 2734 və 1 dəqiqə.
- 30 futbolçudan 2-si qapıçıdır: Pavel Doroşev və Qrem Smit.
- Digər 28 futbolçu isə sahə oyunçularıdır.
- Bu oyunçulardan 12-si qol sevinci yaşayıb.
- Hərəyə 9 dəfə fərqlənən Luiz Paulo Hilario və Yannik Kamanan “Qəbələ”nin bombardirləri olub. Viktor Mendi 8, Deon Barton 6 qol vurub.
- “Qəbələ”nin 3 futbolçusu penalti zərbəsi vurub. Serje Cehua və Deon Barton zərbəni dəqiq yerinə yetiriblər. Yannik Kamanan isə 11 metrlik zərbədən qol vura bilməyib.
- Qapıçı Pavel Doroşev 3 penalti zərbəsindən yalnız 1-ni buraxıb. 2 halda isə top qapıdan keçməyib.
- “Qəbələ” çempionat ərzində 73 sarı vərəqə ilə cəzalanıb.
- 30 futbolçudan 22-si ən azı 1 sarı vərəqə alıb.
- Hamıdan çox – 7 dəfə Luiz Paulo Hilario cəzalanıb. Vurğun Hüseynov, Daniel Lopez Kruz və Mahir Şükürov hərəyə 6 dəfə sarı vərəqə görüblər.
- Cəmi 8 futbolçu Premyer Liqa ərzində cəzalanmayıb.
- Onlar arasında ən çox oyun Arif İsayev keçirib. O, 12 matçı cəzasız keçirib.
- İntizamlılar arasında meydanda ən çox dəqiqə keçirən Elmar Baxşıyevdir – 400 dəqiqə.
- “Qəbələ” çempionat ərzində 6 qırmızı vərəqə alıb. Mahir Şükürov digərlərindən çox – 2 dəfə cəzalanıb. Deon Barton, Aleksandr Çertoqanov.ş Nodar Məmmədov və Bruno da Silva 1 dəfə meydandan kənarlaşdırılıblar.
- 6 qırmızı vərəqədən 3-ü birbaşa, 3-ü isə 2-ci sarı vərəqə görə olub. Mahir Şükürov hər dəfə 1 səbəbdən qırmızı alıbsa, Aleksandr Çertoqanov və Bruno da Silva 2-ci sarı, Nodar Məmmədovla Deon Barton birbaşa meydanı tərk ediblər.
- “Qəbələ”nin şərəfini qorumuş oyunçuların 17-si yerli, 13-ü legioner statusu daşıyır.
- 17 yerli futbolçudan 3-ü – Murad Hüseynov, Sergey Sokolov milliləşən futbolçulardır. Aleksandr Çertoqanov Ukrayna, Sokolovla Hüseynov Rusiya vətəndaşlığı da daşıyır.
- Abdulkader Kamara isə Qvineya və Belçika pasportlarına malik olaraq 2 vətəndaşlığa malikdir.
- İkili vətəndaşlığı olan 4 oyunçunu saymamaqla daha 9 ölkədən olan oyunçular “Qəbələ”də oynayıb. Komandada Braziliyadan 3, Serbiyadan 2, Fransa, Fil Dişi Sahili, Şotlandiya, Yamayka, Seneqal, Hollandiya və Latviyanın hərəsindən 1 oyunçu oynayıb.
- Komandanın ən yaşlı futbolçusu Deon Barton olub. O, aprelin 22-də “İnter”lə keçirilən oyuna 35 yaş 5 ay 28 günlüyündə çıxıb.
- Komandanın ən gənc futbolçusu isə Elnur Mustafazadədir. O, debüt etdiyi aprelin 29-dakı “Bakı” ilə oyuna 16 yaş 7 ay 25 günlüyündə çıxıb.
- Ümumilikdə mövsümün sonunadək 30 futbolçudan 11-i 30 yaş həddini aşıb, 5-i isə 20 yaşı tamam olmayandır.
- “Qəbələ”nin 30 futbolçusunun orta yhaş həddi 29 yaş 9 ay 4 gündür.
- Yannik Kamanan XXI-XXIII turlarda ardıcıl 3 matç meydanı qolsuz tərk etməyib. Bu, mövsüm üçün komandanın rekordudur. Özü də XXI və XXIII turlarda dubla müəllifi olan legioner ardıcıl 3 matçda 5 dəfə fərqlənib.
- 7 dəfə hər hansı futbolçu ardıcıl 2 oyunda qol vurub. Deon Barton, Viktor Mendi hərəsi 2, Luiz Paulo Hilario, Yannik Kamanan, Serj Cehouan hərəyə 1 belə uğuru var.
- “Qəbələ” 12 oyunda qapısını toxunulmaz saxlayıb. “Quru oyun”ların 9-u Pavel Doroşev, 3-ü Qrem Smitin hesabındadır.
- Pavel Doroşev XVI-XIX turlarda ardıcıl 4 oyunda qapısını toxunulmaz saxlayıb.
- Çempionat ərzində “Qəbələ”ni meydana 4 kapitan çıxarıb: Mahir Şükürov – 19, Lyubo Baranin – 8, Saşa Yunisoğlu – 3, Vurğun Hüseynov – 2.
