12 iyun 2012 00:06
Sumqayıt Aslan Kərimovla yollarını rəsmən ayırdı
“Sumqayıt” Futbol Klubunun məşqçilər korpusunda dəyişiklik edilib. Azerisport.az xəbər verir ki, Azərbaycan millisinin sabiq kapitanı, 2011/2012 mövsümündə baş məşqçi Bernard Raabın köməkçisi vəzifəsində çalışmış Aslan Kərimovla yollar rəsmən ayrılıb.
Bildiyiniz kimi, 39 yaşlı mütəxəssis Azərbaycanın 15 yaşadək futbolçulardan ibarət milli komandasının baş məşqçisi Nikolay Adamın köməkçisi vəzifəsində çalışır. Kərimov bütün vaxtını yığma komandaya sərf etmək istəyini və AFFA-dakı sıx iş qrafikini nəzəra alaraq, federasiyada qalmağı üstün tutub.
“Sumqayıt” Futbol Klubunun rəhbərliyi milli komandanın mənafeyini nəzərə alaraq, Aslan Kərimova gələcək işlərində uğurlar arzulayıb və onunla müqaviləni qarşılıqlı razılıq əsasında ləğv edib.
