13 iyun 2012 14:17
Xəzər Lənkərandan Astraya
“Xəzər Lənkəran”dan ayırlan Andrey Mureşan özünə yeni klub tapıb. Azerisport.az xəbər verir ki, rumın futbolçu karyerasını vətənində davam etdirəcək.
Rumıniya mətbuatının məlumatına görə, Mureşanın xidmətində “Astra” klubu maraqlıdı. Artıq futbolçunun meneceri Ana Maria Prodanın klub rəhbərliyi ilə anlaşdığı deyilir.
Qeyd edək ki, Andrey Mureşan 2011-ci ildən “Xəzər Lənkəran”da çıxış edir. Lənkəran klubunda 41 oyun keçirib 1 ol vuran 26 yaşlı yarımmüdafiəçi iki dəfə Premyer Liqanın gümüş və bir dəfə Azərbaycan Kubokunun qızıl medalını qazanıb. O, əvvəllər Rumıniyanın “Rapid”, “Universitatea” (Kluj), “Gloria” və Rusiyanın “Kuban” klubunda çıxış edib.
