13 iyun 2012 18:47
“Azərbaycanlı futbolçulara bu qədər pul xərcləmək cinayətdi”
Azərbaycanın veteran futbolçusu, Regional Futbol Federasiyasının prezidenti İsgəndər Cavadov azərbaycanlı futbolçuların süni qiymət artırma cəhdlərinə münasibətini açıqlayıb. Azerisport.az saytına müsahibəsində o, bunları dilə gətirib:
“Klubların işinə qarışmaq istəmirəm. Onlar kimə nə qədər istəsələr pul xərcləyə bilərlər. Amma eşidəndə ki, hansısa futbolçumuz 450-500 min manatadı, çox təəccüblənirəm. Yəni həqiqətən klublarımız bu pulu nəyə xərclədiklərini başa düşmürlər? Əgər futbolçu aldığı pulun qarşılığında ümidləri doğrultmursa, ona niyə o qədər pul xərcləmək lazımdı? Məgər klub rəhbərləri yerli futbolçuların millidə necə çıxış etdiklərini görmürlər? Əgər futbolçularımız həqiqətən bu pula dəyirlərsə, onda niyə yığmamız, klublarımız beynəlxalq arenada uğur qazana bilmirlər? Mən azərbaycanlı futbolçuların çox pul qazanmasının əleyhinə deyiləm. Amma klublar bu məsələyə daha peşəkar şəkildə yanaşmalıdılar. Bu gün evində oturaraq 500 min, 1 milyon alan azərbaycanlı futbolçu heç vaxt legioner həyatı yaşamaq istəməz. Fikrimcə, yerli futbolçulara bu qədər pul xərcləmək cinayətdi”.
“Klubların işinə qarışmaq istəmirəm. Onlar kimə nə qədər istəsələr pul xərcləyə bilərlər. Amma eşidəndə ki, hansısa futbolçumuz 450-500 min manatadı, çox təəccüblənirəm. Yəni həqiqətən klublarımız bu pulu nəyə xərclədiklərini başa düşmürlər? Əgər futbolçu aldığı pulun qarşılığında ümidləri doğrultmursa, ona niyə o qədər pul xərcləmək lazımdı? Məgər klub rəhbərləri yerli futbolçuların millidə necə çıxış etdiklərini görmürlər? Əgər futbolçularımız həqiqətən bu pula dəyirlərsə, onda niyə yığmamız, klublarımız beynəlxalq arenada uğur qazana bilmirlər? Mən azərbaycanlı futbolçuların çox pul qazanmasının əleyhinə deyiləm. Amma klublar bu məsələyə daha peşəkar şəkildə yanaşmalıdılar. Bu gün evində oturaraq 500 min, 1 milyon alan azərbaycanlı futbolçu heç vaxt legioner həyatı yaşamaq istəməz. Fikrimcə, yerli futbolçulara bu qədər pul xərcləmək cinayətdi”.
