13 iyun 2012 12:15
“Azərbaycanlı” futbolçular yığmada at oynatdı
Ötən il "Rəvan” klubunda uğurlu mövsüm keçirmiş syerra-leoneli yarımmüdafiəçi Samuel Barlay yığma komandanın heyətində keçirdiyi son oyunlar və "Rəvan” klubunda yeni mövsümlə bağlı fikirlərini açıqlayıb. Azerisport.az xəbər verir ki, o, bunları dilə gətirib:
"İyun ayında yığmamızın heyətində iki oyunda iştirak etdim. İyunun 2-də baş tutmuş matçda Kabo-Verde millisini 2:1 hesabı ilə məğlub etdik. İkinci oyunu isə səfərdə Ekvatorial Qvineya komandasına qarşı keçirdik və heç-heçə oynadıq – 2:2.
"İyun ayında yığmamızın heyətində iki oyunda iştirak etdim. İyunun 2-də baş tutmuş matçda Kabo-Verde millisini 2:1 hesabı ilə məğlub etdik. İkinci oyunu isə səfərdə Ekvatorial Qvineya komandasına qarşı keçirdik və heç-heçə oynadıq – 2:2.
Nəticə məni çox qane etdi. Birinci oyunda fərqlənə bilməsəm də, komanda yoldaşım Şeriff Suma gözəl bir qol vurdu. İkinci oyun isə mənim üçün daha uğurlu oldu. Belə ki, komandamızın ilk qolunu 23-cü dəqiqədə mən qapıdan keçirdim. Hər iki oyunda Şerifflə bir-birimizi çox yaxşı anlayırdıq. Bu isə "Rəvan”da keçirdiyimiz müntəzəm oyun və məşqlərin nəticəsidi.
İyunun 20-də başlanacaq təlim-məşq toplanışı barədə məlumat almışam və Bakıya gəlməyə hazırlaşıram. Düşünürəm ki, növbəti mövsüm biz daha yüksək yerlər uğrunda mübarizə aparacağıq. Bunun üçün isə məşqlərdə daha çox çalışmalı, hər bir oyunda isə əzmkarlıq göstərməliyik. Komandamızın güclü imkanları var və yeni futbolçuların gəlməsi ilə daha da güclənəcəyik. Ümidvaram ki, yeni mövsümdə komandanın futbolçuları öz potensialını tam ortaya qoyacaq və biz uğurlu nəticələr əldə edəcəyik”.
