16 iyun 2012 13:21
Bakı Ramimlə bağlı qərarını dəyişdi
“Bakı” futbol üzrə Azərbaycan yığmasının sabiq futbolçusu Fabio Luis Ramimi yenidən heyətinə qatmaq fikrindən daşınıb. Azerisport.az xəbər verir ki, braziliyalı yarımmüdafiəçinin bu yay toplanışı zamanı “zolaqlılar”ın toplanışına qatılacağı və özünü göstərəcəyi halda, yenidən sabiq klubu ilə anlaşacağı bildirilirdi.
Lakin baş məşqçi Novruz Əzimov Ramimlə bağlı fikrini dəyişib. Belə ki, o, yığmamızın sabiq orta sahə oyunçusunun qarşıdan gələn Avropa Liqası öncəsi komandanı gücləndirəcək səviyyədə olmadığını düşünür.
Bu üzdən də o, Sloveniyaya aparılmayacaq. Ramimin karyerasını harda davam etdirəcəyi isə məlum deyil.
