16 iyun 2012 01:57
Türkiyə Super Liqasının iştirakçısı Azərbaycana gəlir
Futbol üzrə Türkiyə Super Liqasının iştirakçısı “Elazığspor” klubu Azərbaycana gəlir. Azerisport.az xəbər verir ki, elitanın yeni iştirakçısının bu səfərdə məqsədi təlim-məşq toplanışı keçirməkdi.
Qeyd edək ki, Elazığ klubu bu toplanışı Qəbələdə həyata keçirəcək. Hazırlıq prosesi iyulun 15-dən avqustun 3-dək davam edəcək. Superliqanın debütantı hazırlıq çərçivəsində yoxlama oyunlarında da qüvvəsini sınayacaq. Sınaqçı-rəqiblər isə böyük ehtimalla məhz Azərbaycan klubları olacaq.
Sonda onu da bildirək ki, bu komanda Superliqanın debütantıdı. Elitaya yenicə çıxan komanda Qəbələ toplanışından öncə Boluda hazırlıq keçəcək. Azərbaycandakı 19 günlük hazırlığın ardından isə komanda Elazığa qayıdıb, hazırlıqlarını doğma arenada davam etdirəcək.
Türkiyə mətbuatının məlumatına görə, “Elazığspor” öncə ölkə xaricindəki təlim-məşq toplanışını Hollandiyada keçirməyi qərara alıbmış. Lakin son anda Hollandiya variantını Qəbələyə dəyişiblər.
