17 iyun 2012 16:28
Spaletti millimizin rəqibini çalışdıra bilər
Dik Advokatın gedişi dəqiqləşdikdən sonra Rusiya yığmasının yeni baş məşqçisinin kim olacağına dair müzakirələr də qızışmağa başlayıb. Azerisprot.az xəbər verir ki, hollandiyalı mütəxəssis AÇ-2012-dəki uğursuz çıxışdan dərhal sonra ruslarla vidalaşıb və bundan sonra karyerasını PSV-də davam etdirəcək.
Rusiya Futbol İttifaqı isə yeni baş məşqçi axtarışlarına start verib. Hazırda şimal qonşularımız müxtəlif variantları gözdən keçirməkdədilər. Hazırda əsas variant kimi Valeri Qazzayevin adı hallanmaqdadı. Lakin “Alaniya”nın prezidentinin yenidən məşqçiliyə qayıdıb-qayıtmaması sual altındadı.
Daha bir variant Luçano Spalettidi. “Zenit”in italiyalı baş məşqçisi də RFS-lə danışıqlar stolu arxasına əyləşə bilər.
Qeyd edək ki, Rusiya DÇ-2014-ün seçmə mərhələsində Azərbaycan millisinin rəqiblərindəndi.
