17 iyun 2012 19:56
Del Boske daha 2 il İspaniya yığmasını çalışdıracaq
Visente Del Boskenin qarşıdakı iki ildə çalışacağı komanda müəyyənləşib. Azerisport.az xəbər verir ki, ispan mütəxəssis İspaniya Futbol Federasiyasının yeni müqavilə təklifini qəbul edib.
Hazırda Avropa çempionatında iştirak edən yığmanın baş məşqçisi federasiya rəsmiləri ilə görüşüb. Görüşdə tərəflər yeni – 2 illik müqavilə ilə bağlı razılıq əldə edib. Müqavilə AÇ-2012 başa çatdıqdan sonra imzalanacaq.
Qeyd edək ki, futbolçu kimi uzun illər “Real”da oynamış Del Boske məşqçi kimi də uzun müddət bu komandada çalışıb. Belə ki, o, 1987-1990-cı illərdə Madrid klubunun B komandasına, 1994, 1996 və 1999-2003-cü illərdə əsas komandasına başçılıq edib. 2004-2005 mövsümündə “Beşiktaş”ı çalışdıran 61 yaşlı mütəxəssis 2008-ci ildən İspaniya yığmasının baş məşqçisidi. Məşqçi kimi La Liqanın (2 dəfə), İspaniya Super Kubokunun (1), Çempionlar Liqasının (2), UEFA Super Kubokunun (1) və Klublararası Dünya çempionatının (1) qalibi olan Del Boske 2010-da İspaniya yığmasına dünya çempionluğu yaşadıb.
