17 iyun 2012 00:06
Beşiktaşın yeni baş məşqçisi müəyyənləşdi
Türkiyənin “Beşiktaş” klubu uzun axtarışlardan sonra yeni baş məşqçisini tapıb. Azerisport.az xəbər verir ki, klubun yeri rəhbərliyi bu postu Samet Aybabaya tapşırıb.
Klubun rəsmi saytının yaydığı açıqlamada bildirilir ki, 57 yaşlı mütəxəssislə 2+2 illik müqavilə imzalanıb. Baş məşqçinin köməkçiləri Gökhan Keskin və Ülvi Güveroğlu olacaq.
“Beşiktaş” Aybabanın qazancını da açıqlayıb. Klub mütəxəssisə 1-ci ildə 1.4, 2-ci ildə 1.55, 3-cü ildə 1.65, 4-cü ildə isə 1.75 milyon türk lirəsi maaş verəcək.
Qeyd edək ki, Səməd Aybaba futbolçu karyerası ərzində yalnız “Beşiktaş”ın şərəfini qoruyub. Müdafiəçi mövqeyində oynayan Aybaba 1977-1988-ci illərdə 334 dəfə “ağ-qara” formanı geyinib və 7 qola imza atıb.
1993-cü ildə məşqçiliyə başlayan mütəxəssis indiyədək “Erciyyesspor”, “Adana Demirspor”, “Ankaragücü”, “Vanspor”, “Genclerbirliği”, “Gaziantepspor”, “Trabzonspor”, “Ankaraspor”, “Çaykur Rizespor”, “Bursaspor” və “Bucaspor” klublarına başçılıq edib.
