17 iyun 2012 13:06
AÇ-2012 daha bir yığmanı baş məşqçisiz qoydu
Futbol üzrə Polşa milli komandası baş məşqçisiz qalıb. Azerisport.az xəbər verir ki, polşalıların çalışdırıcısı Frantişek Smuda postundan getdiyini bəyan edib.
Buna Polşa millisinin AÇ-2012-də uğursuz çıxış etməsi səbəb olub. Belə ki, 14-cü Avropa çempionatına ev sahibliyi edən Polşa millisi A qrupunun sonuncu görüşündə Çexiyaya 0:1 hesabı ilə məğlub olaraq mübarizəni dayandırıb. Onun komandası Yunanıstan və Rusiya ilə ilk oyunlarında da 1:1 hesablı heç-heçə ilə kifayətlənmişdi.
Qeyd edək ki, Smuda 2009-cu ildən Polşa yığmasının sükanı arxasında çalışırdı. Onu kimin əvəzləyəcəyi hələlik dəqiq bilinmir. Maraq üçün onu da bildirək ki, Polşa kimi mübarizəni erkən dayandıran bu qrupun digər bəxtsizi – Rusiya millisi də baş məşqçisiz qalıb.
