18 iyun 2012 16:30
Bakı bu gün Sloveniyaya yola düşür
Avropa Liqasına hazırlıqlarını davam etdirən “Bakı” bu gün Sloveniyaya yola düşür. Azerisport.az xəbər verir ki, paytaxt klubu hazırlığın bundan sonrakı mərhələsini məhz bu ölkədə həyata keçirəcək.
“Zolaqlılar” öncə payxat Lyublana, oradan isə, avtobusla toplanış keçəcəyi Moravska şəhərinə yollanacaq. Qeyd edək ki, Novruz Əzimovun komandası Moravskada 3 yoxlama görüşü keçirməyi planlaşdırır.
“Bakı”nın bu toplanışı Avropa Liqasının püşkatma mərasiminə kimi davam edəcək. Püşkatmaya gəlincə, həmin tədbir iyunun 25-də təşkil olunacaq.
