20 iyun 2012 13:53
“Qazaxıstan, Rusiya və Polşa klubları xidmətimdə maraqlıdı”
Futbol üzrə Azərbaycan yığmasının və “Qəbələ”nin sabiq müdafiəçisi Saşa Yunisoğlu gələcək karyerasını harda davam etdirəcəyinə hələ də aydınlıq gətirməyib. Azerisport.az saytına müsahibəsində o, hazırda bir çox variantları gözdən keçirdiyini bildirib:
“Hazırda üç yerli kluba keçmək variantı var. AZAL, “Sumqayıt” və “Rəvan” mənimlə maraqlanır. Bu, əlbəttə, xoşdu. Amma mən karyeramı Qazaxıstanda davam etdirmək istərdim. Bu işdə mənə Qazaxıstan yığmasının kapitanı Samat Smakov kömək etmək istəyir. O, mənim dostumdu və bu məsələ ilə maraqlanır”.
“Hazırda üç yerli kluba keçmək variantı var. AZAL, “Sumqayıt” və “Rəvan” mənimlə maraqlanır. Bu, əlbəttə, xoşdu. Amma mən karyeramı Qazaxıstanda davam etdirmək istərdim. Bu işdə mənə Qazaxıstan yığmasının kapitanı Samat Smakov kömək etmək istəyir. O, mənim dostumdu və bu məsələ ilə maraqlanır”.
Lakin müdafiəçinin sözlərinə görə, onun Qazaxıstan klublarına keçidi alınmayacaq: “Qazaxıstan klublarında legioner limiti arıtırılıb. Həm də maliyyə məsələsində razılığa gələ bilmədik. Lakin bu, o demək deyil ki, heç vaxt Qazaxıstanda çıxış edə bilməyəcəm. Son qərarımız bu olub ki, ya qışda, ya da növbəti mövsümdə bu məsələyə bir daha qayıdaq”.
27 yaşlı futbolçu Rusiya və Polşa variantlarının da olduğunu deyir: “Ad çəkmək istəmirəm. Bu etik cəhətdən düz çıxmaz. Həmin klubların menecerləri istəyir ki, mən baxışa yollanım. Amma bu, məni qane etmir. Ona görə də bu məsələ hələ qaranlıq qalır”.
Millimizin sabiq üzvü böyük ethimalla yenə karyerasını vətəndə davam etdirəcək. Hər halda o, “Rəvan”a keçidini daha real hesab edir: “Böyük ehtimalla karyeramı vətəndə davam etdirəcəyəm. Düzdü, “Rəvan” ximdətimdə daha çox maraqlıdı. Hər şeyə yaxın günlərdə aydınlıq gəlməlidi”.
