21 iyun 2012 23:50
İnter Sloveniya çempionu ilə də bacarmadı (YENİLƏNİB)
Sloveniyada təlim-məşq toplanışını davam etdirən "İnter" bu gün növbəti yoxlama görüşünü keçirib. Azerisport.az xəbər verir ki, ölkəmizi Avropa Liqasında təmsil edəcək “bankirlər”in bu dəfəki rəqibi son Sloveniya çempionu "Maribor" klubu idi.
Qeyd edək ki, "Maribor" 10 dəfə ölkə çempionatının qalibi olub. Bundan əlavə komanda 7 dəfə Sloveniya kubokunun sahibi olub. Qarşılaşmaya gəlincə, "İnter" bu rəqibinə də uduzub - 0:1.
Xatırladaq ki, toplanışın ilk yoxlama matçında “İnter” "Kapfenberq" klubuna 0:1 hesabıyla məğlub olmuşdu.
Yoxlama oyunu
21 iyun
MARİBOR - İNTER - 1:0 (0:0)
Matçın 54-cü dəqiqəsində "Maribor" hesabı açır - 1:0
