21 iyun 2012 23:10
Millimizin forvardı lider üzərində qələbə qazandı (YENİLƏNİB)
Futbol üzrə Azərbaycan yığmasının hücumçusu Vüqar Əsgərov bu gün Latviya çempionatında növbəti matçına çıxıb. Azerisport.az xəbər verir ki, o, ölkə çempionatının 15-ci turu çərçivəsində “Daugava” ilə görüşün iştirakçısı olub.
Qarşılaşma doğma meydanda keçirilirdi. Buna görə də liepayalılar mütləq qələbə qazanmağı hədəfləmişdilər. Onlar bu istəklərinə nail olublar. Afanasyevin 36-cı, Klavanın 72-ci dəqiqələrdə vurduğu qollar "Metallurg"a vacib qələbə qazandırıb.
Əsgərov bu oyuna start heyətində başlayıb. O, yalnız 85-ci dəqiqədə əvəzlənib.
Qeyd edək ki, hazırda Liepaya klubu 13 oyundan sonra 21 xalla turnir cədvəlinin 5-ci pilləsində qərarlaşıb və ehtiyatda iki oyunu var. "Daugava" isə 28 xalla ikinci pillədə qərarlaşıb.
Latviya çempionatı
15-ci tur
21 iyun
Metallurg – Daugava - 2:0
