22 iyun 2012 13:34
Azərbaycan üçün dünya çempionatına gedən yol başlayır
İyulun 1-dən 8-dək Rusiyanın paytaxtı Moskva şəhərində çimərlik futbolu üzrə DÇ-2013-ün Avropa zonası üzrə təsnifat mərhələsinin görüşləri keçiriləcək. Azerisport.az xəbər verir ki, seçmə mərhələdə uğur qazanmağa çalışacaq 24 komanda arasında Azərbaycan da var.
2013-cü ildə Taitidə keçiriləcək mundiala vəsiqə qazanmaq üçün yığmamız İsveçrə, İngiltərə və Belarusla mübarizə aparmalı olacaq. C qrupunda yer alan Azərbaycan millisini heç də asan oyunlar gözləmədiyini söyləmək olar.
Qeyd edək ki, qrup mərhələsinin ardından 16 ən güclü komanda 1/8 finalda mübarizə aparmaq hüququ qazanacaqlar. Qaliblər 4 komandadan ibarət iki final qrupu yaradacaqlar. Məhz həmin qruplarda ilk iki yeri tutan komandalar Taitidə keçiriləcək DÇ-2013-ə vəsiqə qazanmış olacaqlar.
Qeyd edək ki, bütün qrupların tərkibi aşağıdakı kimidi:
A qrupu: Rusiya, Polşa, Almaniya, Latviya
B qrupu: Portuqaliya, Ukrayna, Yunanıstan, Moldova
C qrupu: Azərbaycan, İngiltərə, İsveçrə, Belarus
D qrupu: İspaniya, Türkiyə, Hollandiya, Norveç
Е qrupu: İtaliya, Macarıstan, İsrail, Bolqarıstan
F qrupu: Rumıniya, Fransa, Çexiya, Estoniya.
Yığmamızın yer aldığı C qrupunun təqvimi isə belədi:
1 iyul
1 iyul
14:30. Azərbaycan – İngiltərə
2 iyul
14:30. Azərbaycan – Belarus
3 iyul
13:15. İsveçrə - Azərbaycan
