22 iyun 2012 13:53
“Murad Ağakişiyev kimi futbolçular bizdə çox idilər”
Futbol üzrə Azərbaycan yığmasının sabiq yarımmüdafiəçisi Murad Ağakişiyevin AZAL-a keçmək istəyi baş tutmayıb. Azerisport.az saytına müsahibəsində bu barədə “təyyarəçilər”in baş məşqçisi Vaqif Sadıqov məlumat verib.
“Bizdə Murad Ağakişiyev kimi futbolçular baxışda çox idilər. Lakin onların çoxu, eləcə də Murad komandaya uyğun gəlmirdi. Bəzilərini isə saxlamışıq və iyunun sonuna kimi onları bir daha sınayacağıq. Ayın 24-də və 30-da iki yoxlama oyunu keçirəcəyik. Böyük ehtimalla ikitərəfli oyunlar olacaq. Çünki kiminləsə oyun keçirmək hazırda alınmır. Axı avrokuboklarda iştirak edəcək klublarımız istisna olmaqla, biz hazırlıqlara qalanlarının hamısından tez başlamışıq”.
