22 iyun 2012 22:44
Bakı Xorvatiya klubu üzərində qələbəni əldən verdi (YENİLƏNİB)
Sloveniyada təlim-məşq toplanışında olan "Bakı" bu gün ilk yoxlama oyununa çıxıb. Azerisport.az xəbər verir ki, “zolaqlılar”ın ilk rəqibi Xorvatiya yüksək liqa təmsilçisi "NK Osijek"lə qarşılaşıb.
Qeyd edək ki, “Bakı”nın bu gün Ukraynanın "Tavriya" (Simferopol) klubu ilə görüşməsi gözlənilirdi. Lakin son anda dəyişiklik baş verib və "zolaqlılar" xorvatlarla üz-üzə gəlməli olub.
"NK Osijek" son çempionatı 8-cı pillədə başa vurub. Bu komanda ilə görüşün ilk yarısında "Bakı" heç nəyə nail ola bilməyib. Amma ikinci hissənin əvvəlində hesab açılıb. Nurlan Novruzovun zərbəsi dəqiq olub. Lakin paytaxt klubu bu üstünlüyünü sona kimi qoruya bilməyib. 90-cı dəqiqədə xorvatlar hesabı bərabərləşdiriblər. Beləcə, oyun heç-heçə bitib.
Ölkəmizi Avropa Liqasında təmsil edəcək “Bakı” bu mövsüm artıq bir sınaq oyunu keçirimişdi. Lakin Bakıda keçirilən həmin oyunda rəqib AZAL olmuşdu və görüş heç-heçə bitmişdi – 0:0.
Yoxlama oyunu
22 iyun
BAKI - OSİJEK - 1:1 (0:0)
"Bakı" oyuna bu heyətlə çıxıb: 14. Aqil Məmmədov 3. Denis İvanov 2. Duye Bakoviç 21. Novruz Məmmədov 15. Cəmşid Məhərrəmov 24. Nenad Kovaçeviç 8. Xavyer Junior 10. Lukas Mario Horvat 7. Deyvidas Çesnauski 4. Qlavina 19. Nurlan Novruzov.
Fasilədən sonra Elvin Məmmədov, Namiq Ələsgərov, Əziz Quliyev, Şəhriyar Əliyev və Ramazan Abbasov da meydana çıxıb.
Matçın 57-ci dəqiqəsində "Bakı" hesabı açır - 1:0
90-cı dəqiqədə "Osijek" məğlubiyyətdən xilas olur - 1:1
