24 iyun 2012 01:50
Millimizin rəqibinin düşərgəsində yenə dava düşdü
AÇ-2012-nin 1/4 finalında Çexiyanı mübarizədən kənarlaşdıran Portuqaliya yığmasının düşərgəsində yenə dava düşüb. Azerisport.az xəbər verir ki, komandanın iki ulduzu – Rikardo Kuaresma ilə Migel Lopes arasında gərginlik yaşanıb.
Yayılan xəbərlərə görə, məşqdə Lopes Kuaresmaya qarşı sərt oynayıb. Bu zaman “Beşiktaş”ın ulduzu komanda yoldaşının üzərinə hücum edib. Yumruq davasının qarşısını futbolçular və məşqçilər çətinliklə alıblar.
Olaydan sonra baş məşqçi Paulo Bento məşqi dayandırmalı olub. Hər iki futbolçu ilə təklikdə söhbət edən baş məşqçinin onları cəzalandırması gözlənilir.
Olayla bağlı açıqlama verən yığmanın digər üzvü Rikardo Koşta bunları deyib: “Kuaresma və Lopes arasında yaşanan olay önəmsiz hadisədi və böyütmək lazım deyil. Məşqdə bu kimi hadisələrin yaşanması normaldı”.
